成4個月冇打xg lu.......
點解今日突然打返??..無聊冇野做..
明天就是IVE的迎新日....我再不是迦密的學生了
讀左5年迦密..都有好多開心同唔開心ga事發生.
haha..真係懷念迦密的日子..更加懷念5A的所有同學
相信你地係我識ga朋友入面..最好最nice ga
雖然5A班不在是5A班了....但相信5A班的心還在每一個同學裹
希望大家都會記住5A裹面的生活點滴..
最後都係果句...各散東西的你們要"加油呀!!"

講返係放榜之後喇...見到個分都唔太失望ga..
跟住就即刻去IVE....但係報左之後，真係好後悔..
後悔唔係因為我唔想報IVE..而係報錯課程
不過算喇...都報左..只係怕屋企負擔唔到咁貴ga學費ja..
希望自己努力d...唔會浪費屋企人ga金錢
account.....我黎喇!

最後係放左榜之後...跟左呀媽返工..每天5:55分起身返工...8點半放工
今日應該返埋依日..唔返住，遲d可能會再返..因為太多時間唔洗返學
我都返左成2個月工lu...依份係我人生裹的第二份工...吸收下唔同行業的辛苦^^"
希望依d ga辛苦..能夠帶動我努力讀書..為目標為努力..

講起黎都好耐冇打xg喇....因為唔想打ga關係la..

點解我今日就會打!?唉...因為我實在覺得太悶喇，加上又唔眼訓..都唔知可以做d咩.

雖有打下xg喇...

講起會考喇...經過左一個月內的十日會考.....話咁快就考左9成喇...只是差一科英文oral

29/6考埋...真正會考完畢...

至於信心...其實我冇咩...不過算喇...都考完喇，擔心黎都冇用....希望all pass喇

 

依排都有出去玩下咁喇...不過來來去去都係果幾個...

佢地就好喇..有得去camp...佢地去左果時.我仲係度練oral or準備考

睇返佢地d camp都覺得幾好玩咁..好想玩丫...唔知有冇多次呢~o~

 

近排都發生左好多事喇...有開心有唔開心

開心ga係...會考完左大部份....可以盡情玩..

依幾日都有出去玩.....羽毛波、保齡波、唱K、鬥地主、打機、傾計、食野咁喇

都玩得幾開心ga...但係始終都想搵番份工..因為好想買好多野..同埋有錢玩

 

而唔開心ga係...都係係愛情上

雖然同佢散左3個月喇......但係還未完全忘記佢...

近排仲發夢見到同佢結婚...haha.(苦笑)

我知道我同佢再唔可能一齊...但都想同佢做返朋友ga

但係自己又覺得如果做返朋友....可能仲難去忘記愛佢ga時刻

so都唔打算去搵番佢...

如果有人問我想唔想搵番佢? 我會答想，但我唔會咁做

講真..依家真係覺得有d空虛ga感覺...偶然都想搵返個無時無刻陪下我..

不過我知好難......都係順其自然吧喇~o~

           喜歡不一定要擁有

 

 

今日亦是留在家裹溫書...晚上可能去自修室
岩岩聽到呀媽講一個消息.......
唉......聽到依個消息後真係好唔開心.......
即使我唔係基督徒...都曾經為個依樣野而祈禱..
雖然依個消息仲未證實係真的......但聽到"有可能"依個字...
心裡總是有點忐忑不安.......親人真係好重要.
當親人有事ga時候.......我又唔可以幫佢....咩都做唔到ga我
可以點!?.......
唉...真係好唔開心......
雖然呀媽同我講完之後..我裝作咩事都冇....但心裹卻好擔心她和...
她對我好好....可以因為佢係我屋企住過喇...所以我地ga關係好好
-----------------------------------------------------------------------------------------------------------------------------
p.s每個母親都希望可以生一個健康ga兒子....但有時未必好似你想像中咁...
     天呀....我救你幫下佢丫...可以嗎?...
     健康真係好重要...依家ga我最想令到每一個人都健康快樂......